كنت ايام زمان عندما تكثر الديون وتضيق الدنيا وتصير العشر نيرات حلم اشتري نص ورقة يانصيب بنيره واقضي ايام وليالي وانا احلم شو بدي اساوي بس اربح الجائزه الاولى. ويبقى الحلم يفرحنى حتى يأتي يوم السحب وتخرج النتائج فأعود لهمومي وأبدا البحث عن حلم اخر.
لا ادري لماذا لم يخطر ببالي سوى هذه القصه وانا اتابع الاهتمام الكبير والحكي الكثير عن مباراة المنتخب مع الارغواي.
يعني فكركوا اذا فزنا بالمباراه الحكومه رح تتحمس وتجيب هالحراميه الي سرقونا وترجع مصارينا منهم وتحطهم بالسجن؟
فكركوا الحكومه بدها توقف تمنح اعفاءات ضريبيه وتجمع ملايينها المبعثره عند حيتان الاردن وتنسى موضوع رفع الاسعار.
وقكركوا اذا فزنا بالمباراه الشرطي رح ترجعلوا هيبتوا ؟
وفكركوا اذا فزنا بهالمباراه التاريخيه رح تقدر الدوله تمسك مروجي المخدرات وتجارها وتنفذ فيهم احكام تحد من قدرتهم على تدمير شباب الوطن؟
وفكركوا اذا فزنا رح انبطل نقول فلسطيني واردني وشيخ وحراث ومواطن درجه اولى واخر درجه ثالثه؟
اذا فكركوا هيك يا جماعه قولولي خليني اترك كل مواعيدي واتسمر امام التلفزيون لاتابعها واتصل بأمي عشان تدعي للفريق بعد ما تصلي الفجر.
واذا ما كان فكركوا هيك فبلاش هبل الوكيل وغيره وحركات الهبل والولدنه هاي تنسينا واقع مؤلم وتعيس نعيشه كل يوم ولا نجد توجها من احد لتغييره.
No comments:
Post a Comment
will be happy ot hear your thoughts and comments on my Blog